19 Сентябр 2024 йил 2248

Зангиота тумани ёшлари ўртасида “Заковат” интеллектуал ўйини ташкил этилди

Ёшларни ижтимоий фаолликка жалб этиш мақсадида, туман ИИБ ташаббуси билан ақл машқи, “Заковат” интеллектуал ўйини ўқувчилар ўртасида ташкил қилинди.

Мусобақа тарзида ташкил этилган интеллектуал ўйинда 40 нафар ёшлардан иборат жами 6 та жамоа иштирок этди. Қизғин тус олган беллашувда 1-2-3-ўринни эгаллаган жамоалар ИИБ раҳбарияти томонидан совғалар билан тақдирланди.

Шунингдек, тадбирни ташкил этишда фаол қатнашган 14-сонли мактаб раҳбарлари ҳам алоҳида эътироф этилиб эсдалик совғалар тақдим этилди.

Бу каби тадбирлар ёшлар орасида ижтимоий ҳамкорлик ва билимга бўлган қизиқишни оширишда муҳим аҳамиятга эга бўлиб, уларни ватанпарварлик руҳда тарбиялашга хизмат қилади.

ИИББ Ахборот хизмати

Ахборот хизмати

Text to speech