19 Sentyabr 2024 yil
2250
Zangiota tumani yoshlari oʻrtasida “Zakovat” intellektual oʻyini tashkil etildi
Yoshlarni ijtimoiy faollikka jalb etish maqsadida, tuman IIB tashabbusi bilan aql mashqi, “Zakovat” intellektual oʻyini oʻquvchilar oʻrtasida tashkil qilindi.
Musobaqa tarzida tashkil etilgan intellektual oʻyinda 40 nafar yoshlardan iborat jami 6 ta jamoa ishtirok etdi. Qizgʻin tus olgan bellashuvda 1-2-3-oʻrinni egallagan jamoalar IIB rahbariyati tomonidan sovgʻalar bilan taqdirlandi.
Shuningdek, tadbirni tashkil etishda faol qatnashgan maktab rahbarlari ham alohida eʼtirof etilib, esdalik sovgʻalar taqdim etildi.
Bu kabi tadbirlar yoshlar orasida ijtimoiy hamkorlik va bilimga boʻlgan qiziqishni oshirishda muhim ahamiyatga ega boʻlib, ularni vatanparvarlik ruhda tarbiyalashga xizmat qiladi.
IIBB Axborot xizmati
