Танловда эгаллаб турган лавозимидан қатъи назар психология йўналиши бўйича олий маълумотга эга ИИО ходимлари, шаҳодатланган ва шаҳодатланмаган психологларнинг иштирок этиши мумкин

Танловни ўтказиш босқичлари:

Ҳудудий саралаш босқичи – сентябр ойида Ички ишлар вазирлиги марказий аппарати, унинг таркибий ва ҳудудий бўлинмалари ҳамда таълим муассасалари ходимлари ўртасида;

Республика босқичи – октябр-ноябр ойларида ҳудудий саралаш босқичида ғолиб бўлган ходимлар ўртасида.

Танлов қуйидаги шартлар асосида ўтказилади:

а) иштирокчиларнинг психология соҳасини ривожлантиришга қаратилган фаолиятлари;

тарғибот-ташвиқот ишлари (ОАВда эълон қилинган материаллар, газета

ва журналлардаги мақолалар ва бошқалар);

иштирокчиларнинг тренинг, семинар, конференция ва бошқа оммавий тадбирлардаги иштироки.

б) психология касбини ёритишга қаратилган “Энг яхши психолог” ташриф қоғози видеоролиги;

в) психология соҳасини ривожлантиришга қаратилган ғоя ва уни амалиётга жорий қилиш истиқболлари;

г) иштирокчиларнинг билим даражасини аниқлашга қаратилган синовлар (савол-жавоблар):

психология соҳасига тегишли ички идоравий ҳужжатлар бўйича савол-жавоблар;

психология соҳаси бўйича савол-жавоблар.

Республика босқичида ғолиб ва совриндорлар Ички ишлар вазирлигининг диплом ва қимматбаҳо совғалари билан тақдирланишади.

Бундан ташқари, танловнинг республика босқичи ғолиб ва совриндорлари қуйидаги имтиёзларга эга бўладилар:

амалдаги интизомий жазо чорасини муддатидан олдин рағбатлантириш тариқасида бекор қилиш;

муддатидан олдин навбатдаги махсус унвонга тавсия этиш (ҳарбий тузилмалар бундан мустасно);

психология соҳасида малакасини ошириш учун хорижий давлатларга юбориш.

Ғолибларни тақдирлаш маросими “22 ноябрь – Халқаро психологлар куни” муносабати билан ўтказилади.

Ушбу танловда қатнашиш истагида бўлган ИИО ходимлари 2024 йил 24 август кунидан 30 август (шу куни ҳам) кунига қадар Бош бошқарма ММИ ва КБТХ ММИБ Психологик таъминлаш гуруҳига мурожаат қилишингиз мумкин.

Мурожаат учун: +99899 882 28 33