17 Январ 2025 йил 1889

«Йўл ҳаракати қоидалари тарғиботи куни» муносабати билан Жамоат жойларида тарғибот тадбирлари ташкил этилди

Хусусан, Тошкент вилояти ИИББ ЖХХ Йўл ҳаракати хавфсизлиги бошқармаси томонидан туман ва шаҳарларга қатновчи ҳайдовчилар билан учрашувлар ўтказилди.

Тадбир давомида вилоятда йўл-транспорт ҳодисаларининг олдини олиш борасида олиб борилаётган ишлар муҳокама қилиниб, барчанинг бу жараёнда масъул экани яна бир бор таъкидланди. Йўловчиларни ташишда белгиланган талабларга қатъий риоя қилиш зарурлиги, чунки инсон ҳаёти барчасидан устунлиги тушунтирилди. Шунингдек, йўл-транспорт ҳодисаларининг оғир оқибатлари ҳақидаги мисоллар келтирилиб, иштирокчиларга масъулиятнинг нақадар муҳим эканига урғу берилди.

Суҳбат давомида ҳайдовчиларнинг қизиқтирган саволларига жавоб берилиб, улар томонидан билдирилган таклифлар тингланди. Бундай тадбирлар йўл ҳаракати маданиятини ошириш ва барча иштирокчиларни ҳушёрликка ундаш борасида муҳим аҳамият касб этади.

Ахборот хизмати

Text to speech