9 Сентябр 2025 йил 366

Гиёҳвандликнинг ҳар қандай кўринишига қарши муросасиз кураш давом этмоқда

Тошкент вилояти ҳудудида олиб борилаётган «Қорадори-2025» тезкор-профилактик тадбирнинг иккинчи босқичи доирасида Пискент тумани ИИБ ЙҲХБ ва тезкор хизмат ходимлари томонидан ўтказилган навбатдаги тадбирда гиёҳвандлик моддаларини сақлаш ҳолати фош этилди.

Жумладан, туманнинг «Ойбек» маҳалласида яшовчи фуқаро (1992 й.т. Э.Д.)нинг яшаш хонадонидан 24 дона гугурт қутилари ва 14 та полимер пакетлар ичида марихуана моддаси сақлаётганлиги аниқланди. Гиёҳвандлик воситаси холислар иштирокида далилий ашё сифатида расмий тартибда ҳужжатлаштириб олинди.

Ҳолат юзасидан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилди. Ҳозирда тергов ҳаракатлари олиб борилмоқда.

Шу ўринда айрим фуқароларга такрор эслатиб ўтамиз! Гиёҳвандлик иллатидан ҳозир воз кечинг. Акс ҳолда қонун олдидаги жавобгарлик муқаррар!

Ахборот хизмати

Text to speech