9 Sentyabr 2025 yil 598

Giyohvandlikning har qanday koʻrinishiga qarshi murosasiz kurash davom etmoqda

Toshkent viloyati hududida olib borilayotgan “Qoradori-2025” tezkor-profilaktik tadbirning ikkinchi bosqichi doirasida Piskent tumani IIB YHXB va tezkor xizmat xodimlari tomonidan oʻtkazilgan navbatdagi tadbirda giyohvandlik moddalarini saqlash holati fosh etildi.

Jumladan, tumanning “Oybek” mahallasida yashovchi fuqaro (1992-y.t. E.D.)ning yashash xonadonidan 24 dona gugurt qutilari va 14 ta polimer paketlar ichida marixuana moddasi saqlayotganligi aniqlandi. Giyohvandlik vositasi xolislar ishtirokida daliliy ashyo sifatida rasmiy tartibda hujjatlashtirib olindi.

Holat yuzasidan Oʻzbekiston Respublikasi Jinoyat kodeksining 273-moddasi 5-qismi bilan jinoyat ishi qoʻzgʻatildi. Hozirda tergov harakatlari olib borilmoqda.

Shu oʻrinda ayrim fuqarolarga takror eslatib oʻtamiz! Giyohvandlik illatidan hozir voz keching. Aks holda qonun oldidagi javobgarlik muqarrar!

Axborot xizmati

Text to speech