Тошкент вилоятида жамоат тартиби ва фуқаролар хавфсизлигини таъминлаш борасида вилоят ИИББ ва унинг қуйи тизим ходимлари томонидан қатор чора-тадбирлар амалга оширилмоқда.

Хусусан, вилоят ИИББ ЖХХ Патруль-пост хизмати ва жамоат тартибини сақлаш бошқармаси томонидан 1 йил давомида амалга оширилган ишлар натижасида турли ҳуқуқбузарлик ва жиноятларнинг олдини олиш ҳамда уларни фош этиш борасида муҳим натижаларга эришилди.

Патруль-пост хизмати ходимлари иштирокида жами 353 та, шахсан улар томонидан эса 149 та жиноят фош этилди. Шунингдек, 60 та ҳолатда турли жиноятларнинг олди олинди. Шу каби, хизмат ходимлари томонидан 200 нафар, шахсан улар томонидан эса 105 нафар қидирувдаги шахс аниқланиб, қўлга олинди. Шунингдек, 35 нафар бедарак йўқолган фуқаро топилиб, тегишли тартибда расмийлаштирилди. Иш ва яшаш жойи ноаниқ бўлган 797 нафар шахс эса реабилитация марказларига жойлаштирилди. Вилоятда ўтказилган «Тиғ» махсус-профилактик тадбири давомида Патруль-пост хизмати ходимлари томонидан 6 308 дона ўткир тиғли жисм олиб қўйилди. Шундан, 5 766 таси пичоқ, 91 таси кастет, 39 таси бита ва 412 таси бошқа турдаги хавфли жисмларни ташкил этди.

Бундан ташқари, вилоятда амалга оширилаётган «Хавфсиз ҳудуд» тезкор-профилактик тадбирлари доирасида ва 2025 йилнинг ўтган даврида Патруль-пост хизмати ходимлари томонидан 1 185 та ҳолатда пичоқ, кастет, бита ва бошқа турдаги жисмлар олиб юрган шахсларга нисбатан қонуний чора кўрилди. Ушбу йўналишдаги назорат тадбирлари доимий равишда давом эттирилмоқда.