Toshkent viloyatida jamoat tartibi va fuqarolar xavfsizligini taʼminlash borasida viloyat IIBB va uning quyi tizim xodimlari tomonidan qator chora-tadbirlar amalga oshirilmoqda.

Xususan, viloyat IIBB JXX Patrul-post xizmati va jamoat tartibini saqlash boshqarmasi tomonidan 2024 yil davomida amalga oshirilgan ishlar natijasida turli huquqbuzarlik va jinoyatlarning oldini olish hamda ularni fosh etish borasida muhim natijalarga erishildi.

Patrul-post xizmati xodimlari ishtirokida jami 353 ta, shaxsan ular tomonidan esa 149 ta jinoyat fosh etildi. Shuningdek, 60 ta holatda turli jinoyatlarning oldi olindi. Shu kabi, xizmat xodimlari tomonidan 200 nafar, shaxsan ular tomonidan esa 105 nafar qidiruvdagi shaxs aniqlanib, qoʻlga olindi. Shuningdek, 35 nafar bedarak yoʻqolgan fuqaro topilib, tegishli tartibda rasmiylashtirildi. Ish va yashash joyi noaniq boʻlgan 797 nafar shaxs esa reabilitatsiya markazlariga joylashtirildi. Viloyatda oʻtkazilgan “Tigʻ” maxsus-profilaktik tadbiri davomida Patrul-post xizmati xodimlari tomonidan 6 308 dona oʻtkir tigʻli jism olib qoʻyildi. Shundan, 5 766 tasi pichoq, 91 tasi kastet, 39 tasi bita va 412 tasi boshqa turdagi xavfli jismlarni tashkil etdi.

Bundan tashqari, viloyatda amalga oshirilayotgan “Xavfsiz hudud” tezkor-profilaktik tadbirlari doirasida va 2025 yilning oʻtgan davrida Patrul-post xizmati xodimlari tomonidan 1 185 ta holatda pichoq, kastet, bita va boshqa turdagi jismlar olib yurgan shaxslarga nisbatan qonuniy chora koʻrildi. Ushbu yoʻnalishdagi nazorat tadbirlari doimiy ravishda davom ettirilmoqda.