Бўстонлиқда навбатдаги ноқонуний ер сотиш ҳолатига чек қўйилди
Тошкент вилояти ИИББ Коррупция ва иқтисодий жиноятларга қарши курашиш бўлими ва вилоят Прокуратураси ходимлари томонидан 14 июль куни ўтказилган тезкор тадбирда, фуқаро 1951 y.t. L.A. (аёл) ва 2001 y.t. J.A. (эркак) бошқа бир фуқаронинг ишончига кириб, унга туман «Яккатут» МФЙ ҳудудида жойлашган 12 сотих бўш ер майдонини 50 минг АҚШ доллари эвазига сотишини, келгусида юқори лавозимда ишловчи танишлари орқали унинг номига расмийлаштириб беришини айтиб, ер учун олдиндан 20 минг АҚШ доллари миқдоридаги пулни бўнак сифатида олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ, давлат захирасидаги 2 га ерни 140 минг долларга ноқонуний сотмоқчи бўлган шахслар ушлангани ҳақида хабар қилинган эди.
ИИББ Ахборот хизмати
