23 Декабр 2024 йил 3361

Бугун, 23 декабрь куни Тошкент вилояти ИИББда навбатдаги маънавий-маърифий соат бўлиб ўтди

Маънавий юксалиш – тараққиёт кафолати мавзуси, қонунчиликдаги ўзгартириш ва қўшимчалар ҳамда вазирлик буйруғи — ИИББда навбатдаги маърифат соати ўтказилди.

Тадбирда Машъал ижтимоий-сиёсий газетаси бош муҳаррири ўринбосари Отабек Исроилов «Маънавий юксалиш – тараққиёт кафолати» мавзусида маъруза қилиб, мавзуни ёритиб берди. Таъкидланганидек, Маънавият – инсонни юксалтирувчи куч бўлиб, у жамият тараққиётининг бош омили, миллатнинг руҳий жасорати ва келажак сари ишонч билан қадам ташлашининг таянчидир.

Шунингдек, ҳафта давомида республикамиздаги ижтимоий-сиёсий ўзгаришлар, қонунчиликдаги ўзгартириш ва қўшимчалар тўғрисида шахсий таркиб эътиборига етказилди.

Йиғилиш давомида, Жисмоний ва жанговар тайёргарлик бўлими бошлиғи капитан Фурқат Худойқулов томонидан ИИВнинг 2024 йил 5 октябрь кунидаги «Ички ишлар органлари ходимларининг хизмат, жанговар, жисмоний ва ахлоқий-психологик тайёргарлигини ташкил этиш, малака тоифаси ва рейтинг баҳолаш тизимини янада такомиллаштириш тўғрисида»ги буйруғи мазмун моҳияти етказилди.


Ахборот хизмати

Text to speech