Шахмат мусобақаси ғолиблари аниқланди
Тошкент вилояти ИИББ ходимлари ўртасида спортнинг шахмат тури бўйича мусобақа ўтказилди.
Ўзбекистон Республикаси ички ишлар органлари ходимлари куни муносабати билан ўтказилган мусобақа хизматчилар ўртасида соғлом турмуш тарзини тарғиб қилиш, жисмонан ва руҳан тетик бўлишларини таъминлаш, шунингдек, спортга кенг жалб қилиш мақсадида ташкил этилди.
Нурафшон шаҳридаги Ёшлар марказида ўтган мусобақада вилоят ички ишлар органларида соҳавий 50 нафар ҳаваскор ва профессионал шахматчи ходимлари ўзаро мусобақалашдилар.
Мусобақа қизғин тус олиб, якуний натижага кўра Қибрай тумани ИИБ профилактика инспектори, катта лейтенант Азизжон Амиров – биринчи, Юқори Чирчиқ тумани ИИБ профилактика инспектори, катта лейтенант Ҳасан Искандаров – иккинчи, Оққўрғон тумани ИИБ Тергов бўлими катта суриштирувчиси капитан Шаҳбоз Мирисаев – учинчи ўринни эгалладилар.
Тадбир сўнггида ғолиблар ва иштирокчилар тақдирланиб,уларига бош бошқарма бошлиғининг фахрий ёрлиғи, медаль ва эсдалик совғалари тантанали равишда топширилди.
ИИББ Ахборот хизмати
