ЙҲҚ такроран бузганларга жарималар миқдори камайтирилиши мумкин
2018–2022 йилларда республикада йўл ҳаракати хавфсизлигини таъминлаш концепциясида белгиланган вазифаларнинг ижроси масъуллар ва депутатлар томонидан муҳокама қилинди.
Йиғилишда фуқаролар томонидан билдирилган қуйидаги:
Маъмурий жавобгарлик тўғрисидаги кодексда йўл ҳаракати хавфсизлик соҳасидаги айрим моддаларида белгиланган жарималарнинг энг минимал даражасини қўллаш, ҳуқуқбузарлик такроран содир этилганда ҳам жарималарни камайтирилган миқдорда тўлаш;
автотранспорт воситаларини республиканинг исталган ҳудудида техник кўрикдан ўтказиш, светофор билан тартибга солинган чорраҳаларда ўнгга бурилиш белгиларининг қамровини кенгайтириш;
ҳайдовчилик гувоҳномаларини йўқотган шахсларга дубликат беришда тиббий маълумотномаларни талаб қилишни бекор қилиш, жарима майдонларида автотранспортни сақлаш муддатларини қатъий белгилаш ҳамда ҳайдовчилик гувоҳномаларини олишда назарий имтиҳонларни онлайн шаклда ўтказиш таклифлари маъқулланди.
