ИИВ томонидан республика бўйича ўтказилаётган «Хавфсиз ва соғлом юрт» тезкор-профилактик тадбирининг иккинчи босқичи доирасида Тошкент вилояти ИИББ ва ДХХ ҳудудий бўлинмалари ходимлари ҳамкорлигида навбатдаги тезкор тадбир ўтказилди. Тадбирда контрабанда йўли билан олиб кирилган қарийб 2 кг гиёҳвандлик воситаси аниқланиб, ноқонуний муомалага киритилишининг олди олинди.

Жумладан, Бекобод шаҳрида яшовчи, 2001 йилда туғилган шахс (Т.А.) қўшни давлатдан контрабанда йўли билан олиб келинган, 945 гр бўлган «гашиш» моддасини яширин жойдан олиб, 2002 йилда туғилган таниши (Х.С.)га 100 АҚШ доллари эвазига топшираётган вақтда ҳар иккиси далилий ашё билан ушланди.

Яна бир ҳолатда, 1995 йилда туғилган шахс (М.Р.) Тожикистондан контрабанда йўли билан олиб кирилган, Бекобод шаҳридаги ўрмон хўжалиги ҳудудига яшириб қўйилган 1 кг «гашиш» гиёҳвандлик воситасини яширин жойдан олиб, етказиб бериш эвазига 1000 АҚШ долларини олаётган вақтида процессуал тартибда қўлга олинди.

Олиб борилган терговга қадар текширув давомида аниқланишича, мазкур гиёҳвандлик воситалари наркокурер томонидан контрабанда йўли билан «заклатка» яъни яширин тарзда кўмилган ҳолатда қолдирилган.

Мазкур ҳолатлар юзасидан ушланган шахсларга нисбатан Жиноят кодексининг 273-моддаси 5-қисми билан жиноят иши қўзғатилиб, ҳозирда тергов ҳаракатлари олиб борилмоқда.