27 Yanvar 2025 yil 369

Tungi xizmatdagi PPX xodimlari tomonidan yonida sintetik giyohvandlik vositalarini olib yurgan shaxslar ushlandi

“Xavfsiz hudud” tezkor profilaktik tadbirlari doirasida Chirchiq shahri “Semruh” mahallasi hududida Toshkent viloyati IIBB 1- mintaqaviy hudud patrul-post xizmati xodimlari tomonidan giyohvandlik vositasi bilan bogʻliq holat fosh etildi.

Tungi xizmat vaqtida shubhali harakat qilgan 20-25 yosh orasidagi shaxslar xodimlar eʼtiborini tortgan.

Xolislar ishtirokida oʻtkazilgan dastlabki koʻzdan kechirishda 2004 y.t. fuqaro (R.R.)ning yonidan 7 dona qadoqlangan sintetik giyohvandlik vositasi topilgan. Shuningdek, xodimlardan qochishga uringan uning tengdoshidan yana 2 dona qadoqlangan vosita aniqlanib, daliliy ashyo sifatida rasmiylashtirilgan.

Tadbir davomida hududiy IIB tezkor xodimlari ishtirokida mazkur shaxslarga tegishli Spark rusumli avtotransportda oʻtkazilgan tekshiruv davomida yana 5 dona qadoqlangan modda (sintetik giyohvandlik vositasi) saqlanayotgani aniqlangan.

Hozirda holat yuzasidan tergovga qadar tekshiruv harakatlari olib borilmoqda.

Axborot xizmati

Text to speech