31 Dekabr 2024 yil 3598

Toshkent viloyati IIBB boshligʻining “Yangi 2025 yil” munosabati bilan BAYRAM TABRIGI

Hurmatli Ichki ishlar organlari xodimlari, ofitserlar, serjantlar va safdorlar, aziz faxriylar!

Avvalo, sizlarni va sizlar orqali yurtdoshlarimizni yangi 2025-yil bilan Toshkent viloyati Ichki ishlar bosh boshqarmasi shaxsiy tarkibi va oʻz nomimdan samimiy tabriklayman.

Mamlakatimiz xavfsizligi va xalqimizning osoyishtaligi yoʻlida davom ettirayotgan fidoyi xizmatingizda yuksak muvaffaqiyatlar va ulkan zafarlar yor boʻlsin. Har doim vatan va xalqning sadoqatli himoyachisi degan sharafli nomga munosib boʻling. Tinchlikni ta'minlash yo'lidagi har bir kuningiz xalqimiz uchun, Vatanimiz uchun bebaho xizmatdir.

Fursatdan foydalanib, barcha xodimlarimizga mustahkam sogʻlik, baxt-u saodat, xonadonlaringizga farovonlik va oilalaringizga tinchlik, baraka tilayman. Yangi yil yangi imkoniyatlar, yangi umidlar va yutuqlar olib kelsin.

Yurtimizning tinchligi, osmonimizning musaffoligi, buyuk xalqimizning birligi abadiy boʻlsin! Yangi yil barchamizga muborak boʻlsin!

Tohir Aripov,
Toshkent viloyati ichki ishlar Bosh boshqarmasi boshligʻi,
general-mayor.

Axborot xizmati

Text to speech