1-oktyabr – Oʻqituvchi va murabbiylar kuni munosabati bilan Toshkent viloyati IIBBda tantanali tadbir boʻlib oʻtdi.

Tadbirda IIOlarida xizmat qilib, faxriy maqomga ega boʻlgan ustozlar, IIV 2-son Toshkent Akademik litseyi jonkuyar oʻqituvchi va oʻquvchilari hamda viloyat IIBB rahbariyati ishtirok etdi.

Soʻzga chiqqan viloyat IIBB boshligʻi polkovnik Tohir Aripov, avvalo oʻz nomidan qolaversa shaxsiy tarkib nomidan faxriy ustozlarni va ular orqali barcha soha vakillarini “1-oktyabr –  Oʻqituvchi va murabbiylar kuni” bilan samimiy qutlab, Ichki ishlar vazirining bayram tabrigini oʻqib eshittirdi.Tabrikdan soʻng maktab oʻquvchilik yillaridan hozirgi kungacha ustoz maqomida kelayotgan insonlarni alohida yodga oldi va ular uchun doim taʼzimda ekanini bildirdi.

Shuningdek, tadbirda IIBB boshligʻining maslahatchisi, isteʼfodagi general-mayor Sayfulla Asadov va boshqalar ham soʻzga chiqib, sana munosabati bilan kasb egalarini samimiy qutlashdi, ular shaʼniga iliq soʻzlar aytildi.

Tantanada faxriy ustozlar va litsey oʻqituvchilariga IIBB rahbariyati tomonidan vazirlik va bosh boshqarmaning bayram sovgʻalari va pul mukofotlari topshirildi.

Shu bilan birga, safdoshlariga oʻrnak boʻlib kelayotgan bir guruh Akademik litsey oʻquvchilariga idoraviy koʻkrak nishonlari topshirilib, yana bir guruhini Ichki ishlar vaziri stipendianti boʻlgani bilan samimiy qutlandi.

Bayram dasturi bir piyola ustida davom ettirilib, IIV Ashula raqs ansamblining xonandalari ijrosidagi kuy qoʻshiqlar bilan yuqori kayfiyatda yakunlandi.

IIBB Axborot xizmati