29 Aprel 2025 yil 3308

Psixotrop va sintetik giyohvandlik vositalarini tarqatib kelgan (zakladchik) qoʻlga olindi

Respublika boʻylab oʻtkazilayotgan “Xavfsiz va sogʻlom yurt” tezkor-profilaktik tadbirlari doirasida Toshkent viloyati IIBB va uning quyi boʻlinmalari xodimlari tomonidan tadbirlar uyushqoqlik bilan tashkil etilib, qator jinoyatlarning oldi olinmoqda.

Xususan, Qoʻyi Chirchiq tumanida oʻtkazilgan tezkor tadbirda 1999-yilda tugʻilgan fuqaro A.S. giyohvandlik va psixotrop moddalarni kontaktsiz – manzil usulida tarqatish (“zakladchik”) faoliyati bilan shugʻullanayotgani aniqlandi.

U navbatdagi “zahri qotil”ni olish maqsadida tumanning ovloq hududidagi yerni kavlayotgan vaqtida, daliliy ashyo bilan ushlandi. Ushbu shaxsning yonidan 20 dona qadoqlangan holda, sintetik giyohvand moddalar xolislar ishtirokida daliliy ashyo sifatida rasmiylashtirib olindi.

Hozirda mazkur holat yuzasidan tergovga qadar tekshiruv ishlari olib borilmoqda.

Axborot xizmati

Text to speech