Toshkent viloyati Ichki ishlar bosh boshqarmasi tizimlaridagi bo’sh bo’lgan “safdorlik” lavozimlariga fuqarolar qabul qilinishi bo‘yicha tanlov o‘tkazilishi maʼlum qilinadi.

Tanlov tadbirlari O‘zbekiston Respublikasi Prezidentining 2017-yil 29-noyabr kunidagi
PQ-3413-son «Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari to‘g‘risida»gi qarori hamda O‘zbekiston Respublikasi Adliya vazirligi tomonidan 2022-yil 9-mart kuni 3352-son bilan ro‘yxatdan o‘tkazilgan Ichki ishlar vazirligining 2022-yil 5-mart kunidagi 52-sonli buyrug‘i talablari asosida tashkil etiladi.

Nomzodlarga qo’yilgan talablar:

-O‘zbekiston Respublikasi fuqarosi bo’lishi;

- idoraviy akademik litseylar, harbiy-akademik litseylar bitiruvchilari, profilaktika inspektorining jamoat tartibini saqlash bo’yicha yordamchilari, shuningdek, oliy ma’lumotga ega yoki sirtqi ta’lim shakli bo’yicha (O‘zbekiston Respublikasi hududida) tahsil olayotgan bo’lishi;

- erkak (o’g’il bola bo’lishi);

- yoshi 18 yoshdan kichik, 30 yoshdan katta bo‘lmagan (30 yoshdagilar ham) bo’lishi;

-Patrul-post xizmativa Yo‘l harakati xavfsizligi xizmatiga bo’yi 170 sm va undan yuqori bo’lishi;

- doimiy yashash manzili bo‘yicha Toshkent viloyatida ro‘yxatda turishi;

- muddatli va safarbarlik chaqiruv rezervidagi harbiy xizmatni o‘tagan;

Ichki ishlar organlariga kirish istagida bo‘lgan fuqarolar quyidagi hujjatlari bilan kelishlari so‘raladi:

- biometrik pasport yoki identifikatsiya ID-kartasidoimiy yashash manzilibilan (nusxasi olinib, asli qaytariladi);

- qarindoshlarning (ota-ona, er-xotin, farzandlar, aka-ukalar, opa-singillar, shuningdek
er-xotinlarning ota-onalari, aka-ukalari, opa-singillari) biometrik pasporti yoki identifikatsiya ID kartasi (nusxasi olinib, asli qaytariladi);

- o‘qish va ish (agar o‘qiyotgan yoki ishlayotgan bo‘lsa) joyidan tavsifnoma;

- fuqaro tomonidan qo‘lda yoki kompyuterda yozilgan tarjimai hol;

- anketa-maʼlumotnoma;

- harbiy guvohnoma (nusxasi olinib, asli qaytariladi);

- doimiy yashash joyi bo‘yicha ro‘yxatga olingan joyidan belgilangan namunadagi sog‘lig‘ining holati haqida maʼlumotnoma (bo‘yining balandligi bo‘yicha antropometrik parametri ko‘rsatilgan holda).

Ichki ishlar organlariga kirish istagida bo‘lgan fuqarolar joriy yilning 14-iyul kunidan
14-avgust kuniga qadar soat 09:00 dan 18:00 ga qadar murojaat etishlari so‘raladi.

Eslatma: belgilangan kunlardan oldin yoki keyin murojaat etgan fuqarolar nomzodlar ro’yxatiga kiritilmaydi.

Manzil: Toshkent viloyati, Nurafshon shahar, Toshkent yo‘li ko‘chasi, Sada bekati, 1-uy. Toshkent viloyati ichki ishlar bosh boshqarmasi binosi. Murojaat uchun telefon: +998707624197 +998707624106

Toshkent viloyati IIBB Maʼnaviy-maʼrifiy ishlar va kadrlar bilan taʼminlash xizmati