27 Dekabr 2024 yil 2994

Ohangaronda 30 million soʻmga teng boʻlgan pirotexnika vositalari ushlab qolindi

Toshkent viloyati IIBB xodimlari tomonidan pirotexnika vositalarining noqonuniy muomalasini oldini olishga qaratilgan nazorat-reyd tadbirlari davom etmoqda.

Navbatdagi holatda Ohangaron tumanida tungi xizmatga biriktirilgan YPX inspektorlari tomonidan 1987-yilda tugʻilgan haydovchi (U.B.) boshqaruvida boʻlgan “Isuzu” yuk transport vositasi tekshirilgan.

Natijada avtomobildagi yuklar orasiga yashirilgan holda, qiymati 30 million soʻmlik jami 2 900 dona pirotexnika vositalari olib oʻtilayotganligi aniqlanib, daliliy ashyo sifatida olingan. Hozirda holat boʻyicha tegishli hujjatlar rasmiylashtirilib, tergovga qadar surishtiruv harakatlari olib borilmoqda.

Eslatib oʻtamiz: pirotexnika vositalarining noqonuniy aylanmasi qonun bilan taqiqlangan va bunday harakatlar maʼmuriy yoki jinoiy javobgarlikka sabab boʻladi.

Axborot xizmati

Text to speech