Joriy yilning 20–26 avgust kunlari Toshkent viloyati IIBB Ekspert-kriminalistika xizmati xodimlari o‘rtasida “Eng yaxshi ekspert-kriminalist” ko‘rik-tanlovi tashkil etildi. Unda viloyat IIOning 16 nafar eksperti ishtirok etib, o‘z bilim va mahoratini namoyish qildi.

Tanlov uch bosqichdan iborat bo‘ldi. Birinchi shartda ishtirokchilar belgilangan soniyalar ichida Kalashnikov avtomati va Makarov pistoletini qismlarga ajratish hamda qayta yig‘ish amaliyotini bajarishdi. Ikkinchi bosqichda ma’naviy-ma’rifiy yo‘nalish, xizmat tayyorgarligi va sohaviy bilimlar bo‘yicha test sinovlari o‘tkazildi. Yakuniy bosqichda esa xodimlar o‘z sohasi bo‘yicha og‘zaki savol-javob tarzida sinovdan o‘tkazildi.

Natijaga ko‘ra, 3-o‘rinni Toshkent viloyati IIBB Ekspert-kriminalistika markazi katta eksperti, leytenant Nizomiddin Zaynobiddinovga, 2-o‘rinni Chirchiq shahar IIB katta eksperti, katta leytenant Sardor Akromovga egalladi. Faxrli 1-o‘rinni Toshkent viloyati IIBB Ekspert-kriminalistika markazi bosh eksperti, mayor Hamid Rahimboyev qo‘lga kiritib, respublika bosqichiga yo‘llanma oldi. G‘oliblar munosib taqdirlandi.

Mazkur tanlov ekspert-kriminalistlar bilim va malakasini oshirish, sog‘lom raqobatni shakllantirish hamda sohada malakali kadrlar safini mustahkamlashga xizmat qilmoqda.