8 mart – Xalqaro xotin-qizlar kuni munosabati bilan Toshkent viloyati ichki ishlar organlarida faoliyat yuritayotgan ayol xodimlar uchun bayram tadbiri tashkil etildi. Mazkur tantanali marosimda viloyat IIBB boshligʻi general-mayor Tohir Aripov boshchiligida shaxsiy tarkib hamda sohaning faxriy xodimlari ishtirok etdi.

Bosh boshqarma rahbari tadbirni ochib, O‘zbekiston Respublikasi Ichki ishlar vaziri, general-mayor Aziz Tashpulatovning Xalqaro xotin-qizlar kuni munosabati bilan yo‘llagan bayram tabrigini o‘qib eshittirdi va tizimda faoliyat yuritayotgan xotin-qizlarni samimiy muborakbod etib, ularning ichki ishlar organlaridagi o‘rni va xizmatlarini alohida e’tirof etdi. Shuningdek, u ayol xodimlarga ezgu tilaklarini bildirib, ularning mashaqqatli, shu bilan birga sharafli faoliyatida muvaffaqiyat tiladi.

Bayram munosabati bilan o‘z xizmat vazifalarini sidqi dildan ado etib, o‘z kasbiga sadoqat bilan yondashayotgan, hamkasblariga ibrat bo‘lib kelayotgan bir guruh fidoyi ayol xodimlar Ichki ishlar vazirligi tomonidan munosib taqdirlandi. Mukofotlarni IIBB boshlig‘i tantanali tarzda topshirdi.

Xususan:

Shuningdek, IIV tomonidan mayor Mirzakarimova Gulbahor Mirahmedovnaga muddatidan oldin rag‘batlantirish tariqasida “podpolkovnik” maxsus unvoni berildi.

Bundan tashqari, o‘z vazifasini vijdonan bajarib, mas’uliyat bilan xizmat olib borayotgan 310 nafar ayol xodim pul mukofoti bilan rag‘batlantirilgani e’lon qilindi.