Toshkent viloyatining barcha shahar-tumanlari boʻylab, mahallalarda jinoyatchilik va huquqbuzarliklarni oldini olishga qaratilgan targʻibot uchrashuvlari tashkil etib borilmoqda.

Shu kabi, kuni kecha Piskent tumani hokimi Muzaffar Aripov, tuman IIB boshligʻi hamda mutasaddi tashkilotlar, mahalla faollari ishtirokida, tumanning “Moʻminobod” MFY aholisi bilan, mahalla hududida sodir etilgan qotillik jinoyati muhokama qilindi.

Tadbirda, sodir etilgan qotillik jinoyatining kelib chiqish sabablari va sharoitlari keng jamoatchilik ishtirokida muhokama qilindi va barqaror profilaktik ishlarni yoʻlga qoʻyish boʻyicha zarur vazifalar belgilab olindi.

Xususan, barcha tuman hududida qarovsiz qolgan bino inshootlar, janjalkash va surunkali ichkilikka ruju qoʻygan oilalarni nazoratga olish, shuningdek, mahalla faollari bilan hamkorlikda profilaktika ishlarini samarali tashkil etish zarurligi taʼkidlandi.

Yigʻilishda tuman IIB boshligʻi polkovnik M.T. Mirzaev soʻz olib, hududda tinchlik va osoyishtalikni ishonchli taʼminlashda jamoatchilik faollarining oʻrni zarurligini taʼkidladi. Bu kabi muhim targʻibot tadbirlari viloyatning barcha shahar-tumanlari boʻylab birinchi rahbarlar ishtirokida tizimli ravishda tashkil etib borilmoqda.