Oʻzbekiston Respublikasi Prezidentining 2022-yil 8-fevraldagi “Ichki ishlar organlarining ekspert-kriminalistika faoliyatini zamonaviy ilm-fan yutuqlarini keng joriy etgan holda yanada takomillashtirish chora-tadbirlari toʻgʻrisida”gi qarori ijrosini taʼminlash maqsadida, Toshkent viloyat IIBB Ekspert-kriminalistika markazi tomonidan akademik litsey oʻquvchilari bilan muntazam ravishda oʻquv-amaliy mashgʻulotlar oʻtkazib kelinmoqda.

Shu doirada IIV 2-sonli Toshkent akademik litseyida markaz masʼul xodimlari tomonidan oʻquvchilarga “Genom toʻgʻrisidagi qonun”, “Raqamli ekspertiza asoslari” hamda “Xatshunoslik ekspertizasi tadqiqot va obyektlari” mavzularida mahorat darslari tashkil etildi. 

Darsda, genom maʼlumotlari jinoyatlarni ochishda va shaxsni aniqlashda qanday ahamiyat kasb etishi, raqamli ekspertiza orqali raqamli qurilmalardan dalillarni toʻplash, xatshunoslik ekspertizasi yordamida esa turli hujjatlardagi yozuvlarning muallifini aniqlash usullari haqida amaliy misollar bilan tushunchalar berildi.

Mazkur mahorat darsi oʻquvchilarga zamonaviy kriminalistika sohasining dolzarb yoʻnalishlari, ularning jinoyatlarni tergov qilishdagi oʻrni va ahamiyati yuzasidan amaliy bilim va koʻnikmalarni oshirishga xizmat qilmoqda.