Ichki ishlar organlarida xizmat qilayotgan xotin-qizlar bilan ishlash samaradorligi oshirilmoqda
IIVning “Ichki ishlar organlarida faoliyat yuritayotgan xotin-qizlar
bilan ishlash borasidagi faoliyat samaradorligini oshirishga doir qo‘shimcha
chora-tadbirlar belgilash to‘g‘risida”gi farmoyishi hamda mazkur yo‘nalishdagi
tegishli dastur ijrosini ta’minlash maqsadida Toshkent viloyatida bir
qator tadbirlar o‘tkazilmoqda.
Jumladan, viloyat IIBB ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari kapitan
Mohira Sobirova tomonidan ayol xodimalar o‘rtasida xizmat intizomi va
qonunchilikka amal qilish yuzasidan navbatdagi profilaktik tadbir tashkil
qilindi. Tadbir davomida xodimlar bilan yakka tartibda suhbat va ularning
oilaviy sharoitini o‘rganish ishlari olib borildi.
Bundan tashqari viloyat IIOda xizmat qilayotgan xotin-qizlarni qo‘llab
quvvatlash, xizmat yoki oilada yuzaga kelishi mumkin bo‘lgan stressli
holatlarni oldini olish va ishni samarali tashkil qilishdagi
ko‘nikmalarni hosil qilish bo‘yicha psixologik trening o‘tkazildi. Unda mavzu
yuzasidan fikr mulohazalarini bildirishdi. Amaliy mashg‘ulotlar bilan stressni
fiziologik va psixologik ta’sirlarini yengillashtirish va stressni bartaraf
etish yo‘llari va usullarini qo‘llash ko‘nikmasini shakllantirildi.
Xizmatda ayol xodimlar faolligini oshirish va ularni har tomonlama
qo‘llab-quvvatlashga qaratilgan tadbirlar davom etmoqda.
