Yoshlarni harbiy-vatanparvarlik ruhida tarbiyalashga qaratilgan “Jasorat maktabi” loyihasining uchinchi mavsumida bir qator tadbirlar oʻtkazilmoqda.

Joriy yilning 12-yanvar kuni Oʻzbekiston Respublikasi Prezidenti, Qurolli Kuchlar Oliy Bosh Qoʻmondoni Shavkat Mirziyoyev rahbarligida boʻlib oʻtgan yigʻilishda yoshlarni harbiy-vatanparvarlik ruhida tarbiyalash boʻyicha muhim topshiriqlar berilgan. Ushbu topshiriqlar ijrosini taʼminlash maqsadida Toshkent viloyatidagi harbiy poligonda “Jasorat maktabi” oʻquv-yigʻinining uchinchi mavsumi oʻtkazilmoqda.

10 kunlik oʻquv-yigʻinda bir guruh yoshlar ishtirok etishmoqda. Jarayonda viloyat IIBB mutaxassislari ishtirokida ochiq muloqotlar oʻtkazilib, jinoyat va huquqbuzarliklarning huquqiy oqibatlari, shuningdek, ularning yoshlar kelajagiga taʼsiri haqida batafsil tushunchalar berildi. Shu bilan birga, yoshlar bilan ularning kelgusidagi rejalari yuzasidan suhbatlashildi.

Loyiha doirasida yoshlarni sportga jalb qilish maqsadida shaxmat, shashka, voleybol va boshqa sport musobaqalari oʻtkazilmoqda. Shuningdek, ishsiz yoshlarni ish bilan taʼminlash, kasb-hunarga oʻqitish va oʻz biznesini yoʻlga qoʻyish boʻyicha 10 kunlik seminar-treninglar tashkil etilyapti. Jarayonning eng faol ishtirokchilariga esa imtiyozli kreditlar olish uchun maxsus sertifikatlar topshirish tadbirlari ham rejalashtirilgan.

IIBB Axborot xizmati