Yangiyoʻl shahrida yashovchi, ichki ishlar organlariga biriktirilgan bir guruh yoshlar uchun JAR sport saroyida joylashgan Ichki ishlar vazirligi tarixiy muzeyiga sayohat uyushtirishdi. 

Tashrif davomida yoshlar muzeyda namoyish etilayotgan koʻplab tarixiy eksponatlar bilan yaqindan tanishdilar va boy maʼnaviy taassurotlarga ega boʻldilar.

Muzeyda Oʻzbekiston Ichki ishlar vazirligining shakllanish va rivojlanish tarixi, turli davrlardagi politsiya va qonunchilik tuzilmalari faoliyati, shuningdek, huquq-tartibot organlari va fuqarolar oʻrtasidagi hamkorlikka bagʻishlangan eksponatlar oʻrin olgan. Ekskursiya davomida yoshlar jinoyatchilikka qarshi kurashish, jamoat xavfsizligini taʼminlash va huquq-tartibot idoralarining ahamiyati haqida koʻplab yangi maʼlumotlarga ega boʻlishdi.

Tashrif davomida yoshlar muzey xodimlari tomonidan tashkil etilgan maxsus ekskursiyada ishtirok etib, mamlakatimiz tarixida muhim oʻrin tutgan voqealar haqida qiziqarli maʼlumotlar eshitishdi. Ular huquqni muhofaza qilish organlarining tarixiy vazifalari va ularning bugungi kundagi ahamiyatini yaqqol tasavvur qilish imkoniyatiga ega boʻldilar.

Tadbir yoshlar uchun bilim va taassurotlarga boy boʻlib, ularning huquq-tartibot organlariga boʻlgan hurmati yanada ortdi. Tashrif yakunida yoshlar muzey xotira daftariga oʻz taassurotlarini yozib qoldirdilar va muzeydan olgan bilimlari kelajakdagi hayotlarida foydali boʻlishiga ishonch bildirdilar.

Tashrif faoliyati yoshlar oʻrtasida vatanparvarlik ruhini oshirish va ularni huquqiy bilimlar bilan boyitishda muhim ahamiyat kasb etdi.

IIBB Axborot xizmati.