Toshkent viloyati IIBB Qoʻriqlash boshqarmasi tomonidan shahar-tumanlar kesimida aholi bilan ochiq muloqot uchrashuvlari tashkil etilmoqda.

Xususan, Bekobod va Chirchiq shahar hokimligi, Maktab va maktabgacha taʼlim, bandlikka koʻmaklashish markazi masʼullari hamkorligida aholi murojaatlarini oʻrganish va manzilli hal etish maqsadida, Toshkent viloyati IIBB Qoʻriqlash boshqarmasi boshligʻining navbatdagi ommaviy sayyor qabullari oʻtkazilmoqda.

Navbatdagi ochiq muloqot viloyatning Bekobod va Chirchiq shaharlarida tashkil etildi. Shuningdek tadbir davomida Qoʻriqlash boshqarmasi tarkibida xizmat qilayotgan xodimlarning ham oila aʼzolari bilan uchrashildi.

Qoʻriqlash boshqarmasi rahbariyati tomonidan tizimda xizmat qilayotgan xodimlar farzandlarini yozgi dam olish oromgohlariga imtiyozli dam olish tartibi boʻyicha, shuningdek xodimlarning ishsiz oila aʼzolarini ishga joylashishi, imtiyozli kredit olishi hamda boshqa ijtimoiy masalalar koʻrib chiqildi.

Barcha kelib tushgan savollar hamda murojaatlar mutasaddilarga yoʻnaltirilib, ularga yechim topish boʻyicha zaruriy koʻrsatmalar berildi.