Toshkent viloyati Ichki ishlar bosh boshqarmasi shaxsiy tarkibi va shaxsan oʻzim nomimdan Siz, azizlarni yurtimizning qutlugʻ ayyomlaridan biri – "1-oktyabr – Oʻqituvchi va murabbiylar kuni" munosabati bilan chin qalbimdan muborakbod etaman.

Bugungi kunda yosh xodimlarni vatanparvarlik va fidoyilik ruhida tarbiyalash, ularning kasbiy saviyasini yuksaltirish, jamiyatimizda tinchlik va osoyishtalikni taʼminlash jarayonlariga keng jalb etishda ustoz va murabbiylarning xizmatlari beqiyosdir. Davomi

Koʻp yillik faoliyati davomida orttirgan bilim va boy tajribasini yosh avlodga oʻrgatib, ularni kasbga sadoqat, Vatanga muhabbat va yuksak masʼuliyat ruhida tarbiyalash – ustozlarimizning ezgu burchi boʻlib kelmoqda. Shu orqali ular nafaqat tizimda olib borilayotgan islohotlarning muvaffaqiyatli ijrosiga, balki Yangi Oʻzbekiston taraqqiyotiga ham munosib hissa qoʻshmoqdalar.

Fursatdan foydalanib, Sizlarga mustahkam sogʻliq, xonadonlaringizga tinchlik va farovonlik, mashaqqatli mehnatlaringizda bardavom zafarlar tilayman. Bayramingiz muborak boʻlsin, aziz ustoz va murabbiylar!

Abduvosit Abdurazakov,
Toshkent viloyati IIBB boshligʻi,
polkovnik.