7 Iyul 2025 yil 156

Aholi murojaatlarini oʻrganish va hal etish — doimiy eʼtiborda

Fuqarolarning huquq va manfaatlarini himoya qilish, ularni qiynayotgan muammolarni oʻrganib, joyida amaliy yechim topish maqsadida Toshkent viloyati Ichki ishlar bosh boshqarmasi rahbariyati tomonidan shaxsiy hamda sayyor qabullar muntazam oʻtkazib kelinmoqda.

Jumladan, joriy yilning 6-iyul kuni ham navbatdagi qabul tashkil etildi. Unda viloyat IIBB rahbariyati tomonidan fuqarolarning huquqiy, ijtimoiy va ichki ishlar organlari faoliyatiga doir turli masalalardagi murojaatlari eshitildi.

Belgilangan reja asosida, doimiy ravishda Toshkent viloyati IIBB boshligʻi, general-mayor Tohir Aripov boshchiligida, fuqarolarning ichki ishlar organlari faoliyatiga oid, shuningdek boshqa ijtimoiy sohalardagi murojaatlari yuzasidan qabullar oʻtkazilib, tegishli choralar koʻrib borilmoqda.

Mazkur qabullar aholi bilan ochiq muloqotni taʼminlash, jamiyatda huquqiy adolatni qaror toptirish hamda muammolarni ijobiy hal etishda muhim ahamiyat kasb etmoqda.

Axborot xizmati

Text to speech