1 Aprel 2025 yil 238

Toshkent viloyati boʻylab “Yashil makon” loyihasi doirasida IIO xodimlari tomonidan 80 000 dan ortiq koʻchat ekildi

Xususan, IIBB xodimlari tomonidan loyihasi doirasida Ohangaron-Toshkent yoʻnalishidagi yoʻl yoqasiga 1 kunda 10 000 dan ortiq daraxt koʻchatlari ekildi. 

Ushbu tadbirning maqsadi hududning ekologik holatini yaxshilash, havoni tozalash va yashil maydonlarni koʻpaytirishdir. Tadbir boshidan buyon viloyat, tuman va shahar IIO xodimlari tomonidan 80 000 dan ortiq manzarali koʻchatlar oʻtkazildi.

“Yashil makon” loyihasi Oʻzbekistonning ekologik muammolariga javob sifatida boshlandi va keng jamoatchilikning qatnashuvi bilan amalga oshirilmoqda. Ushbu loyiha, nafaqat tabiatni muhofaza qilish, balki fuqarolarni tabiatga nisbatan hurmat ruhida tarbiyalashga ham xizmat qilmoqda.

Ekologik barqarorlikka erishish uchun bunday tashabbuslar juda muhimdir, chunki ular nafaqat bugungi kun uchun, balki kelajak avlodlar uchun ham yashil va toza muhit yaratishga hissa qoʻshadi. Yashil makon loyihasining muvaffaqiyati, aholi va hukumatning birgalikdagi saʼy-harakatlari bilan oʻzining ulkan samarasini bermoqda.

Axborot xizmati

Text to speech