Ichki ishlar vazirligi qoshidagi Nukus “Temurbeklar maktabi” harbiy-akademik litseyiga joriy yil 1 apreldan 30 aprelga qadar o‘qishga qabul o‘tkazilishi maʼlum qilinadi.

O‘zbekiston Respublikasi Prezidentining 2023 yil 20 yanvar kunidagi 10-sonli Qaroriga asosan  O‘zbekiston Respublikasi Ichki ishlar vazirining 2023 yil 23 mart kungi 150-sonli buyrug‘i bilan Nukus "Temurbeklar maktabi" harbiy-akademik litseyiga qabul tartibiga o‘zgartirish kiritilib, endilikda nomzodlarning hujjatlari ichki ishlar organlari tomonidan rasmiylashtirilishi belgilangan.

Nomzodlarga qo‘yilgan talablar:

- O‘zbekiston Respublikasi fuqarosi bo‘lishi;

- Doimiy yashah manzili bo‘yicha Toshkent viloyatida ro‘yxatda turishi;

- erkak (o‘g’il bola bo‘lishi);

- joriy yilda umumta’lim va ixtisoslashtirilgan maktab-internat maktablarining 9-sinfini tamomlaydigan;

- Sog‘lig‘ining holatiga ko‘ra o‘qishga yaroqli deb topilishi;

- Hamda haqqoniy va shaffoflik tamoyillariga asoslangan saralash tanlovidan muvaffaqiyatli o‘tgan nomzodlar qabul qilinadi;

Nukus “Temurbeklar maktabi” harbiy-akademik litseyini tamomlagandan keyin bitiruvchilariga belgilangan namunadagi diplom va ko‘krak nishonlari beriladi. O‘qish muddati - 2 yil.

Nukus “Temurbeklar maktabi” harbiy-akademik litseyiga kirish istagida bo‘lgan fuqarolar quyidagi hujjatlari bilan kelishlari so‘raladi:

Ichki ishlar organlariga ta’lim yo‘nalishini ko‘rsatgan holda, belgilangan shakldagi ariza bilan joriy yil 1 apreldan 30 aprel kuniga qadar murojaat qilishlari mumkin.

 Nomzodlar arizaga :

- tarjimai holi (elektron va qo‘l yozma);

- o‘qish, yashash joyidan tavsiyanoma;

- tug‘ilganlik haqidagi guvohnoma yoki pasport nusqasi;

- mudofaa ishlarida ro‘yhatda turishi to‘g‘risidagi ma’lumotnoma nusxasi;

- fanlarni o‘zlashtirishi to‘g‘risidagi o‘qish joyidan direktor tomonidan tasdiqlangan ma’lumotnoma;

- 3,5 x 4,5 sm o‘lchamdagi 4 ta, 3 x 4 sm o‘lchamdagi 6 ta rangli fotosurat (bosh kiyimsiz va burchaksiz) hamda 9 x 12 sm o‘lchamdagi 2 ta rangli fotosurat (bosh kiyimsiz). ilova qilinadi.

Nukus “Temurbeklar maktabi” harbiy-akademik litseyiga kirish istagida bo‘lgan joriy yilning 1-aprel kunidan 30-aprel kuniga qadar soat 09:00 dan 18:00 ga qadar murojaat etishlari so‘raladi.

Eslatma: belgilangan kunlardan oldin yoki keyin murojaat etgan fuqarolar nomzodlar ro‘yxatiga kiritilmaydi.

Manzil: Toshkent viloyati, Nurafshon shahri, Yangi Obod MFY, Yangi Obod ko‘chasi, 1-uy Toshkent viloyati IIBB binosi.

Murojaat uchun telefon: + 998707624197   Qo‘shimcha ma’lumot uchun telegram guruh havolasi https://t.me/TV_Temurbeklar_2025

IIBB Maʼnaviy-maʼrifiy ishlar va kadrlar bilan taʼminlash xizmati