O‘zbekiston Respublikasi Ichki ishlar vazirligi Akademiyasining kunduzgi ta’lim shakliga 2026/2027-o‘quv yili uchun o‘qishga hujjat topshirish istagida bo‘lgan, Toshkent viloyatida doimiy ro‘yxatda turib, yashab kelayotgan, yoshi o‘n yettidan kichik (qabul yilida o‘n yetti yoshga to‘ladiganlar) va yigirma beshdan katta bo‘lmagan umumiy o‘rta, o‘rta-maxsus va professional ma’lumotga ega fuqarolar 2025-yilning 15-noyabr kunidan 2026-yilning 15-fevral kuniga qadar Toshkent viloyati IIBB Ma’naviy-ma’rifiy ishlar va kadrlar bilan ta’minlash xizmatiga murojaat etishlari mumkin.

Bunda, erkak nomzodning bo‘yi 165 santimetrdan, ayol nomzodning bo‘yi 160 santimetrdan past bo‘lmasligi talab etiladi.

Akademiyada o‘qish muddati uch yil bo‘lib, ichki ishlar organlarining quyidagi mutaxassislarni tayyorlab beradi:
-Huquqbuzarliklar profilaktikasi faoliyati;
-Tezkor-qidiruv faoliyati;
-Ekspert-kriminalistika faoliyati;
-Probatsiya faoliyati;
- Xizmat faoliyatini tarbiyaviy-psixologik ta’minlash faoliyati;
- Tashkiliy-shtab yo‘nalishlari bo‘yicha;
- Jazoni ijro etish faoliyati.
- Raqamli texnologiyalar sohasida jinoyatlarga qarshi kurashish faoliyati.

O‘qishni tamomlagan kursantlarga yurist malakasi va leytenant maxsus unvonlari berilib ish bilan ta’minlanadi. Akademiyaga o‘qishga qabul qilish tanlov, teng huquqlilik va qabul qilishning yagona qoidalari asosida amalga oshirilib, u o‘z ichiga dastlabki tanlov, maxsus kasbiy tanlov va yakka tartibdagi yakuniy suhbatni oladi. Bir bosqichdan muvaffaqiyatli o‘ta olmagan nomzodlar keyingi bosqichga qo‘yilmaydi.

Dastlabki tanlov o‘z ichiga hujjatlarni to‘plash, o‘rganish va tibbiy ko‘rikdan o‘tkazish jarayonlarini olib, ichki ishlar organlari tomonidan amalga oshiriladi.

Maxsus kasbiy tanlov o‘z ichiga hujjatlarni o‘rganish, tibbiy ko‘rikdan o‘tkazish, yozma ish, umumjismoniy tayyorgarlik darajasini baholash va chet tillarini o‘zlashtirganlik darajasini baholash jarayonlarini olib, Akademiyada qabul komissiyasi tarkibiga kiritilgan mutaxassislar tomonidan amalga oshiriladi.

Yakka tartibdagi yakuniy suhbat o‘z ichiga Huquqshunoslik, O‘zbekiston tarixi va Tarbiya fanlaridan nomzodlarning bilimini baholash jarayonlarini olib, akademiyada qabul komissiyasi tomonidan amalga oshiriladi.

To‘liq ma’lumotlar uchun IIV Akademiyasi kunduzgi boʻlimiga oʻqishga qabul qilish boʻyicha Telegram'dagi guruhga a’zo bo’ling https://t.me/TV_AKADEMIYA

Manzil: Toshkent viloyati IIBB Jismoniy va Jangovar tayyorgarlik bo’limi binosi. Toshkent viloyati, Nurafshon shahri, Qumariq MFY, Sada ko‘chasi.

Mo’ljal: Toshkent viloyati IIBB Yo’l harakati xavfsizligi binosi.

Joylashuv: https://maps.app.goo.gl/sXLZPV1ecuceEA9P7